Kiswahili kuwa lugha rasmi nchini Rwanda

Lugha ya Kiswahili imeongezwa kwenye orodha ya lugha rasmi zinazokubaliwa na serikali ya Rwanda, baada ya Kinyarwanda, Kiingereza na Kifaransa.

Uamuzi huo umetolewa na baraza la  mawaziri lililokusanyika Jumanne tarehe 12 Oktoba mwaka huu.

Katiba ya Rwanda iliyorekebishwa mwaka jana, ilitaja lugha tatu zinazokubaliwa kutumiwa katika mambo ya uongozi.

Lakini katiba hiyo iliachia uwezekano wa kuongeza au kuondoa lugha moja kati ya hizo.

Kiswahili kilikuwa kikifundishwa shuleni kuanzia shule za sekondari.

Katika mtaala mpya wa masomo uliozindua na Wizara ya elimu mwaka huu, Kiswahili kitafundishwa hata shule za msingi, na kitaulizwa katika mitihani ya taifa.

Rwanda inaunga mkono nchi kama Uganda na nyinginezo zinazounda Jumuia ya Afrika ya Mashariki zinazo  Kiswahili kama lugha rasmi.